刊登于 2015-08-02By dingdingAll, 校园生活, 生活文化

我毕业啦 毕业快乐

图片来源:作者

成个Europe trip无论几好玩几开心都係陪衬,屋企人山长水远嚟到,都係为咗睇我戴四方帽拎毕业证书。而终于经过三年,hea过又chur过,终于大学毕业。虽然唔係读名校,但起码都拎到个满意嘅成特色报道绩笑住走。

毕业之前真係好紧张(唔知点解,其中一个紧张係惊行上台同人握手会仆亲),千拣万拣拣到条自己好中意嘅裙,又拣埋几吋高高跟鞋(不过真係惊上台仆亲,所以之后影相先着,因为高嘅可以企后几排lol),前一日读商科嘅朋友毕业,又专登返去俾自己ready吓,到果日都唔知点解好紧张 -_- 。

但係愈紧张时间就愈过得快,好似无咩点影过相就够钟还返件毕业袍走人。连学校都无时间认真行多一次(之前迟还书好似有20p未找数⋯⋯我之前有谂过佢会唔会迫我交返钱先俾我上台)。唔知係咪外国读书先会,定係全部大学生都係咁,呢三年真係过得快到痴线。第一年喺香港读紧:未quit大学同朋友一齐上堂,都仲好似前几日嘅事咁,一眨眼就quit U飞过嚟读,读下读下咁就三年。一年比一年过得快,而我真係好未够喉。如果可以读多一年就好⋯⋯呢面生活好舒服又慢板又自由,我估返到香港有排适应。

三年上咗咁多科,学咗好似好多嘢,但其实你而家问返我点计econometrics,我真係识条毛。呢一刻我对经济学嘅认知大部分都係会考果阵学返嚟,大学学嘅太难,眨个眼就唔记得晒。一有assignment要交,有deadline要chur就觉得时间过得好慢,心谂究竟几时先捱完,每次都觉得自己会捱唔过眼前嘅果一个task。任务观点但係三年入面捱吓一个,捱吓又一个,咁就捱到毕业。自问唔係好学生,九点lecture从来唔去,九点seminar自己擅自拣个想去嘅slot去上,全年都无咩见过九点lecture个lecturer,好彩我有从来唔走堂嘅朋友每星期帮我去拎notes,虽然最后份notes係literally一眼都无睇过就入咗垃圾筒。

一直都觉得毕业係个好残忍嘅季节,无错读完书係好开心,我亦都唔想再写essay,但係又唔想同朋友分开各自start a new chapter of life。喺香港可能都无咁sad,因为要见都唔会好难,但喺外国(无错仍然係有好多同新闻科技声同气嘅香港朋友),但係同时你都会有好多其他国家嘅朋友,同埋locals。毕业果吓真係最后一次见,因为你知之后真係好难好难会见返,你估人地一定有金钱时间飞嚟香港搵你咩?反之亦然你返工之后,都未必有咁多钱同假飞返过嚟英国见人。每次谂到呢度都好sad,因为呢几年真係同唔同朋友玩得好开心,但係快乐时光过得特别快,眨个眼已经嚟到每个人排队上台同人握手,拎毕业证书去square影一张大合照,再影一张无敌青春嘅抛帽相,之后就大家各散东西各奔前程。

同香港朋友讲再见好容易,因为返到香港有心见真係容乜易。但係同非香港朋友道别互祝珍重再加一句’see you later’之后,你心里面清楚知道可能无机会再见返大家。#internationalgraduatesproblem,无可避免。