近年唔少朋友都会讨论买游戏买实体定係买数位版好,其实又各有各好嘅;数位版可以唔驶出街就买到,Online 买完即时收到Game,仲够晒悭位;而实体版胜在够质感,收藏家们最爱,就算你係普通玩家玩完又可以放二手,对银包又的确帮轻唔少。不过香港玩家係咁谂,唔知外国玩家又点睇?

北美研究公司Nielsen上个月公开一个调查,入面提到13岁以上实体Game 同数位Game玩家,睇睇佢地喺游戏行为上有咩分别。66%嘅主机玩家比较倾向实体碟,而PC方面就掉返转,有71%玩家倾向玩数位版本。比较之下,无轮係Console定係PC玩家,数位版游戏玩家相对都会放更多时间喺游戏之上。

实体游戏仲有市!美国调查发现实体游戏玩家特别肯洗钱  3iG

但如果係讲比钱呢?实体玩家相对就比较肯比钱,可能係因为第一实体游戏有时比起经常有discount嘅数位版贵、又可能係因为唔少实体版玩家都会为自己心爱嘅游戏买特别版等等。

不过点都好,呢个调查喺亚洲就未必讲得通,因为我地呢边仲有大量玩手机嘅重课玩家,唔知如果将班课长放埋落呢个Chart 度,情况又会点呢?